1. Ta ketë virtyt durimin kur t'i ndodhë ndonjë e papritur, sipas hadithit: “Durimi i vërtetë është ai i cili shfaqet në rastin e parë të papritur (të ndonjë fatkeqësie)”. (Transmetojnë Buhariu dhe Muslimi)

2. Të përmendurit e All-llahut të Madhëruar, strehimi dhe përkulshmëria Atij. Thotë All-llahu xh.sh.: “Të cilët, kur i godet ndonjë e pakëndshme thonë: “Ne jemi të All-llahut dhe te Ai kthehemi” (El-Bekare 156)

3. Të bëjë durim kur ta rastisë ndonjë e padëshirueshme dhe ta pranojë si një vendim i All-llahut xh.sh., sipas hadithit të Pejgamberit a.s. i cili përcjell fjalën e All-llahut xh.sh. ku thotë: “Nuk ka dënim për një besimtar të cilit kur ia marr ndonjë të dashur (qoftë njeri apo gjësend) të dynjasë e i cili bën durim për ta fituar xhennetin”. (Transmeton Buhariu). Eshtë mirë që ta përkujtojë hadithin e Pejgamberit a.s. i cili thotë: “Eshtë çudi me jetën (çështjen) e besimtarit, e tërë jeta e tij është hajr (mirësi), e atë cilësi nuk e ka kush pos besimtarit, nëse e qëllon ndonjë e mirë falënderon (All-llahun xh.sh.) dhe kjo është hajr për te, e nëse e qëllon ndonjë e keqe, duron (për All-llahun xh.sh.), e po ashtu edhe kjo është hajr për te.” (Transmeton Buhariu).

AbdulHamid Suhejban